თბილისი

ჩვენი სამყაროს არსებობის ისტორიაში ყველაზე დიდი ვულკანი წყლის ქვეშ იაპონიის სანაპიროს მიმდებარედ ამოიფრქვა 7300 წლის წინ. ამის შესახებ newscientist.com ავრცელებს ინფორმაციას. წყაროს თანახმად, ამოფრქვევის შედეგად დედამიწის ზედაპირზე დაიღვარა სამჯერ მეტი ვულკანური მასა, ვიდრე ეს ბოლო პერიოდის უდიდესი ამოფრქვევის, ტამბორას შემთხვევაში მოხდა. ტამბორას მთა 1815 წელს ინდონეზიაში ამოიფრქვა და უდიდესი კლიმატური ცვლილებების საფუძველი გახდა. ამოფრქვევის შედეგი იმდენად მასშტაბური იყო, რომ 1816 წელს უწოდეს „წელი ზაფხულის გარეშე“.