თბილისი

გლობალური დათბობა მსოფლიოს ერთ-ერთი გამოწვევაა, რომლის შესახებაც ბავშვებმა აუცილებლად უნდა იცოდნენ.

მნიშვნელოვანია მათ სწორად მივაწოდოთ ინფორმაცია, რომ სწორი ღირებულებები ჩამოუყალიბდეთ და გააზრებული ცხოვრება დედამიწაზე ზრუნვით დაიწყონ. თქვენს შვილს კლიმატური ცვლილებების შესახებ სათანადო ინფორმაციის მიღებაში, გაცნობიერებაში და სწორი მიდგომების ჩამოყალიბებაში უნდა დაეხმაროთ.

პირველ რიგში მას უნდა მიაწოდოთ მიმდინარე ინფორმაცია კლიმატური ცვლილებების შესახებ, მაგალითად, უნდა ანახოთ სიცხისგან გამოწვეული ხანძარი ჰავაიში ან ბეისბოლის ზომის გიგანტური სეტყვა. თუ თქვენი შვილი ხდება ამ პროცესის მონაწილე, მაშინ უკეთ შეძლებს საფრთხეების გააზრებას.

თუმცა ამ პროცესმა მას სტრესი არ უნდა მიაყენოს. ბავშვს გრძნობების მართვაში რომ დაეხმაროთ, მნიშვნელოვანია, მას სწორი და ადეკვატური ინფორმაცია მიაწოდოთ. ინფორმაციის მიწოდების დროს მნიშვნელოვანია იქ აქტივობებიც, რომლებსაც დედამიწასა და კლიმატთან დაკავშირებით სკოლაში ახორციელებენ. აუცილებლად აღნიშნეთ დედამიწის დღე სპეციალური აქტივობებით.

შეთავაზებული თემები და აქტივობები კი აუცილებლად ბავშვის ასაკის შესაბამისი უნდა იყოს. მაგალითად, 10 წლამდე ბავშვებს უმჯობესია ესაუბროთ უშუალოდ მის გარემოზე, 10 წელზე ზემოთ კი უკვე გლობალური გამოწვევების გასაცნობიერებლად მზად იქნება.

შეიძლება ბევრი რამ თქვენც არ იცოდეთ. ამ დროს ბავშვთან ერთად გააკეთეთ საინტერესო აღმოჩენები ინტერნეტის დახმარებით. მნიშვნელოვანია, რომ შემეცნების პროცესს დიალოგის ფორმა ჰქონდეს და არა - ლექციის.