თბილისი

მაღალი ტემპერატურა ყოველწლიურად ასობით ადამიანს კლავს მიუხედავად იმისა, რომ სიცხით გამოწვეული დაავადებებისგან თავის დაცვა შესაძლებელია. ამისთვის მნიშვნელოვანია, რომ იყოთ ინფორმირებული, შეინარჩუნოთ სიგრილე და რაც მთავარია, თქვენი ორგანიზმი დეჰიდრატაციისგან დაიცვათ.

ავად შეიძლება გახდეთ მაშინ, როდესაც თქვენი სხეული ტემპერატურის კომპენსაციასა და სათანადოდ გაგრილებას ვერ ახერხებს. განსაკუთრებით მაღალ ტემპერატურაზე, თქვენს სხეულს გაგრილებაში ხელს შემდეგი ფაქტორები უშლის:

· მაღალი ტენიანობის პირობებში გამოყოფილი ოფლი კანზე რჩება და სწრაფად არ ორთქლდება. ეს კი სხეულიდან სიცხის გამოყოფას აფერხებს.

· ასაკი, წონა, ფიზიკური და ფსიქოლოგიური ჯანმრთელობა, სხვადასხვა მედიკამენტის და ალკოჰოლის მოხმარება - ეს და სხვა პიროვნული საკითხები განსაზღვრას იმას, თუ რამდენად მარტივად შეუძლია ადამიანს სიცხეში სიგრილის შენარჩუნება.

გადახურების განსაკუთრებული საფრთხის ქვეშ არიან ადამიანები 65 წელს ზემოთ, 2 წელს ქვემოთ, ქრონიკული დაავადებების და ასევე, მენტალური დაავადებების მქონე პირები.

თუ გსურთ თავი გადახურებისგან დაიცვათ, აუცილებლად უნდა გაითვალისწინოთ შემდეგი წესები:

· მაქსიმალურად მეტი დრო გაატარეთ დახურულ სივრცეში, სადაც კონდიციონერია;

· მიიღეთ მაქსიმალურად ბევრი სითხე მიუხედავად იმისა, გწყურიათ თუ არა;

· გონივრულად დაგეგმეთ გარე აქტივობები;

· ატარეთ ღია ფერის მსუბუქი ტანსაცმელი;

· აუცილებლად გამოიყენეთ მზისგან დამცავი საშუალებები;

· ხშირად მიიღეთ გრილი შხაპი.