თბილისი

გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსი სვეტლანა ნიორაძე თბილისში ამინდის მკვეთრ ცვლილებას ambebi.ge-სთან საუბარში ეხმიანება.

„თბილისში ქარი გაძლიერდება, დედაქალაქში ძლიერ ქარს ველოდებით. შემდეგ ცოტა ხანს თოვა გაჩერდება, თუმცა ზეგიდან ისევ უამინდობა გველის, ძლიერი ქარით. თბილისში 16 თებერვალს ისევ გათოვდება. ახლა დასავლეთ საქართველოში ყველგან თოვს. ასევე ითოვებს 15-ში, 16-სა და 17-ში.

მაღალ მთებში იქნება ქარბუქი, ზვავსაშიშროება, საავტომობილო გზებზე - ლიპყინული. ტრანსპორტს შეეზღუდება მოძრაობა. 18 თებერვლამდე ასეთ ამინდს ველოდებით. შემდეგ, ნალექი ასეთი ინტენსიური არ იქნება, ტემპერატურაც ნელ-ნელა მოიმატებს, მაგრამ გაზაფხულის ამინდი ჯერ-ჯერობით არ ჩანს,“ - აცხადებს სვეტლანა ნიორაძე.