თბილისი

2026 წლის აპრილში კაცობრიობის ისტორიაში ახალი ფურცელი დაიწერა. 50-წლიანი პაუზის შემდეგ, მისია „არტემიდა-2“ (Artemis II) პირველი ეკიპაჟია, რომელიც მთვარის ორბიტისკენ გაემართა.

მისია ოთხი ასტრონავტისგან შედგება, რომელთაგან თითოეულს თავისი კრიტიკული როლი აქვს. რიდ უაისმენი - მეთაური პასუხისმგებელია მისიის შესრულებასა და გადაწყვეტილებების მიღებაზე. ვიქტორ გლოვერი - პილოტი მართავს ხომალდ „ორიონს“ და პასუხისმგებელია ნავიგაციაზე. ის პირველი ფერადკანიანი ასტრონავტია, რომელიც მთვარისკენ გაფრინდა. კრისტინა კოხი - მისიის სპეციალისტი აკონტროლებს სისტემებსა და სამეცნიერო ექსპერიმენტებს.ჯერემი ჰანსენი - მისიის სპეციალისტი პირველი არაამერიკელი ასტრონავტია, რომელიც დედამიწის ორბიტას გასცდა.

სხვა მისიებისგან განსხვავებით, „არტემიდა-2“-ის ეკიპაჟი მთვარეზე არ ჯდება.

NASA-ს ინ­ფორ­მა­ცი­ით, ეკი­პაჟს დაბ­რუ­ნე­ბის­თვის და­ახ­ლო­ე­ბით ოთხი დღე დას­ჭირ­დე­ბა. მათი კაფ­სუ­ლა წყნარ ოკე­ა­ნე­ში 10 აპ­რილს ჩა­ვარ­დე­ბა. უწყე­ბის გან­ცხა­დე­ბით, ეკი­პა­ჟი გემ­ზე პირ­ვე­ლად სა­მე­დი­ცი­ნო შე­მოწ­მე­ბას გა­ივ­ლის, რის შემ­დე­გაც ხმე­ლეთ­ზე დაბ­რუნ­დე­ბი­ან.

მეც­ნი­ე­რე­ბი ამ­ბო­ბენ, რომ მთვა­რეს­თან ასე­თი ახლო ფრე­ნა "ორი­ო­ნის“ ეკი­პაჟს სა­შუ­ა­ლე­ბას აძ­ლევს მთვა­რე ისე შე­ის­წავ­ლოს, თით­ქოს და­ბალ სი­მაღ­ლე­ზე აერ­ო­ფო­ტო­გა­და­ღე­ბას აწარ­მო­ებ­დნენ, ოღონდ ზე­და­პირ­ზე დაშ­ვე­ბის გა­რე­შე.

ფრე­ნი­სას ას­ტრო­ნავ­ტე­ბის მი­სია იყო ე.წ. ქა­ნე­ბის წა­კი­თხვა - მათ ერ­თმა­ნე­თის­გან უნდა გა­ნეს­ხვა­ვე­ბი­ნათ კრა­ტე­რე­ბი, კლდე­ე­ბი და გამ­ყა­რე­ბუ­ლი ლა­ვის ნა­კა­დე­ბი, შემ­დეგ კი გა­და­ე­ღოთ ისი­ნი მაქ­სი­მა­ლუ­რად მა­ღა­ლი გარ­ჩე­ვა­დო­ბით.

ეს გა­მო­სა­ხუ­ლე­ბე­ბი, ასე­ვე თა­ვად "ორი­ო­ნის“ ლა­ზე­რუ­ლი და ვი­დე­ო­გა­და­ღე­ბის მო­ნა­ცე­მე­ბი, და­ეხ­მა­რე­ბა მთვა­რის ზე­და­პი­რის რუ­კე­ბის და­ზუს­ტე­ბას და გე­ო­ლო­გებს უკეთ გა­ა­გე­ბი­ნებს, რო­გორ ყა­ლიბ­დე­ბო­და მთვა­რის ქერ­ქი მი­ლი­არ­დო­ბით წლის გან­მავ­ლო­ბა­ში.

მკვლევ­რე­ბის­თვის გან­სა­კუთ­რე­ბულ ინ­ტე­რესს პო­ლა­რუ­ლი რე­გი­ო­ნე­ბი წარ­მო­ად­გენს. სწო­რედ ამ ტე­რი­ტო­რი­ებ­ზე იგეგ­მე­ბა მო­მა­ვა­ლი ექ­სპე­დი­ცი­ე­ბის დაშ­ვე­ბა - იმ ზო­ნებ­ში, სა­დაც, სა­ვა­რა­უ­დოდ, ყი­ნუ­ლის მა­რა­გე­ბი შე­იძ­ლე­ბა არ­სე­ბობ­დეს.