თბილისი

ჩრდილოეთის ციალი იგივე "აურორა" ერთ-ერთი ყველაზე შთამბეჭდავი ბუნებრივი ფენომენია, რომლის ნახვაც იანვარშია შესაძლებელი. ზოგადად, ჩრდილოეთის ციალის სანახავად საუკეთესო დრო ზამთრის ღამეებია, როდესაც ცა ბნელია და მოწმენდილია.

აურორას ნახვა რამდენიმე ქვეყანაში განსაკუთრებით ნათლადაა შესაძლებელი. გაგაცნობთ მათ:

ტრომსო, ნორვეგია

ტრომსო ჩრდილოეთის ციალის სანახავად ერთ-ერთი ყველაზე პოპულარული ადგილია. მისი მდებარეობა არქტიკულ წრეში და კარგი ტურისტული ინფრასტრუქტურა იდეალურ პირობებს ქმნის აურორას სანახავად. ამ ქალაქში აურორას რეგულარული ტურები ეწყობა.

ლოფოტენის კუნძულები, ნორვეგია

ნორვეგიის ეს მხარე საოცარ ბუნებრივ პეიზაჟებს გთავაზობთ. ჩრდილოეთის ციალს განსაკუთრებულ ხიბლს ზღვის სანაპიროებისა და მთების ერთობლიობა სძენს.

ლაპლანდია, ფინეთი

ფინეთის ჩრდილოეთი რეგიონი, განსაკუთრებით ქალაქები როვანიემი და კიტილა, ცნობილია აურორას შესანიშნავი ხედებით. აქ შეგიძლიათ დარჩეთ ესკიმოსების საცხოვრებელ სახლებში, რომლებიც მინისაა და იქიდან დააკვირდეთ ციალს.

კირუნა, შვედეთი

შვედეთის ჩრდილოეთით მდებარე ეს ქალაქი შესანიშნავი ადგილია ჩრდილოეთის ციალის დასანახად. აქვე მდებარეობს მსოფლიოში პირველი ყინულის სასტუმრო, რაც ასევე საოცარად შთამბეჭდავია.

აბისკო, შვედეთი

ეს გახლავთ ეროვნული პარკი, რომელსაც ხშირად „ჩრდილოეთის ციალის დედაქალაქს“ უწოდებენ.

რეიკიავიკი, ისლანდია

ისლანდიის დედაქალაქიდან ცოტა მოშორებით ვიზიტორებს ჩრდილოეთის ციალის ხილვის საოცარი შესაძლებლობა აქვთ. აქ მდებარე ეროვნული პარკი ერთ-ერთი ყველაზე პოპულარული ტურისტული ადგილია.

აკურეირი, ისლანდია

თუ აურორას ნახვა უფრო მშვიდი ადგილიდან გსურთ, მაშინ აკურეირი საუკეთესო ლოკაციაა.

ალასკა, აშშ

ალასკის ქალაქი ფერბენქსი მსოფლიოში ცნობილია ჩრდილოეთის ციალის სანახავად. აქ ტურისტებისთვის მოწყობილია აურორას საყურებელი ადგილები.

აქვე გთავაზობთ რჩევები ციალის სანახავად:

1. ციალის სანახავად საუკეთესო დრო არის ღამის 10:00-დან 2:00 საათამდე.

2. ციალის კარგად დასანახად რაც შეიძლება ჩაბნელებული ადგილი შეარჩიეთ.

3. ცა აუცილებლად მოწმენდილი უნდა იყოს.

4. გამოიყენეთ აურორას პროგნოზირების აპლიკაციები, როგორიცაა My Aurora Forecast.