თბილისი

ტროპიკული შტორმი “ერნესტო“ შესაძლოა სახიფათო ქარიშხალში გადაიზარდოს. ის უკვე სცდება პუერტო-რიკოს საზღვრებს, იწვევს წყალდიდობებს, ძლიერ ქარს. შეიძლება დამანგრეველი დარტყმა მიაყენოს კუნძულის ინფრასტრუქტურას.

მიმდინარე სეზონზე „ერნესტო“ მეხუთე შტორმია ატლანტის ოკეანეში, რომელსაც სახელი დაარქვეს. გამთენიისას მისმა სიმძლავერმ 113 კმ/სთ-ს მიაღწია. ეს სულ რაღაც 7 კმ/სთ-ით ნაკლებია ქარიშხლის სიჩქარემდე.

შტორმი პუერტო-რიკოს ცენტრს ასცდება, მის ჩრდილო-აღმოსავლეთით გაივლის. თუმცა 20-25 სმ ნალექს გამოიწვევს კუნძულზე, რაც სახიფათო წყალდიდობისა და ღვარცოფის წინაპირობა შეიძლება გახდეს.

„ერნესტო“ ატლანტის ოკეანის ღია წყლებს დღის ბოლოს შეუერთდება.