თბილისი

ზაფხული უამრავი ადამიანის საყვარელი სეზონია, თუმცა ამ დროს არაერთი პრობლემაც იჩენს ხოლმე თავს. მათ შორისაა ძილის პრობლემები. გადაჭარბებული სიცხის გამო ბევრი სათანადოდ გამოძინებას ვერ ახერხებს, რაც მის შრომისუნარიანობასა და ენერგიულობას ამცირებს.

გთავაზობთ 8 პრაქტიკულ რჩევას, რომლებიც დაგეხმარებათ რომ ზაფხულის სიცხის მიუხედავად მშვიდად და კომფორტულად იძინოთ.

მიიღეთ დიდი რაოდენობით სითხე - ეს განსაკუთრებით წყალს ეხება. დღის განმავლობაში წყლის მიღება თქვენს სხეულს დაეხმარება, რომ ღამით ტემპერატურის დარეგულირება მოახერხოს.

თუმცა არ დალიო წყალი დაძინებამდე 1-2 საათით ადრე. მიირთვით მსუბუქად - ეს რჩევა განსაკუთრებით ბოლო კვებას ეხება. მოერიდეთ შაქრის, ცხიმისა და ნახშირწყლების შემცველ საკვებს. კვლევებით არის დადასტურებული, რომ აღნიშნული პროდუქტები ნეგატიურ გავლენას ახდენენ ძილის რეჟიმზე.

ჩაიცვით მსუბუქად - მოერიდეთ სინთეტიკური მატერიისგან დამზადებულ ტანისამოსს. ეს ეხება ღამის პერანგსაც, რადგან ბამბის ქსოვილი ხელს უწყობს სხეულის ტემპერატურის დარეგულირებას.

გააგრილეთ საძინებელი - თუ თქვენს საძინებელს პირდაპირ არ ადგება მზის სხივები, ეცადეთ ფანჯარა გამოღებული გქონდეთ. აქტიური დასხივების პერიოდში კი ჩამოაფარეთ ფარდები და ჟალუზები, რომ ოთახი მაქსიმალურად დაიცვათ სიცხისგან.

მოერიდეთ ალკოჰოლს - ალკოჰოლი სხეულის დეჰიდრატაციას იწვევს. ალკოჰოლის მიღების შემდეგ ხშირია ოფლიანობა, რაც სხეულის ტემპერატურის რეგულირებას უშლის ხელს.

ძილის წინ მშვიდი აქტივობებით დაკავდით - დაძინებამდე 1-2 საათით ადრე ეცადეთ იკითხოთ წიგნები, უსმინოთ მუსიკას ან უბრალოდ მშვიდად ესაუბროთ ოჯახის წევრებსა და მეგობრებს.

მიიღეთ გრილი შხაპი ან აბაზანა - გრილი წყალი თქვენი სხეულის ტემპერატურას შეამცირებს, რაც მარტივად დასაძინებლად მშვენიერი წინაპირობაა.

ერთსა და იმავე დროს დაწექით დასაძინებლად - ეცადეთ გამოიმუშაოთ ძილის რეჟიმი, რაც დასაძინებლად ერთსა და იმავე დროს დაწოლას გულისხმობს. ასე თქვენ უფრო მარტივად შეძლებთ ჩაძინებას ზაფხულის სიცხეშიც კი.