მარნეული

CNN-ის ინფორმაციით, არაბთა გაერთიანებულ საემიროებში, უკანასკნელი 75 წლის განმავლობაში ყველაზე ძლიერი წვიმა მოვიდა, რასაც ქვეყანაში დიდი ქაოსი მოჰყვა. ზოგიერთ რაიონში, 24 საათზე ნაკლებ დროში ნალექის რაოდენობამ 250 მმ-ზე მეტს მიაღწია.

მოსულმა ნალექმა დატბორა ქუჩები, ამოძირკვა პალმები და დაამსხვრია შენობების ფასადები. დუბაიში სკოლები დაიხურა. ქუჩებში მოძრაობა შეჩერდა და გზები მდინარეებად გადაიქცა. წვიმა იმდენად სწრაფი და ინტენსიური იყო, რომ მძღოლები ქუჩაში ტოვებდნენ მანქანებს და თავის გადარჩენას ცდილობდნენ.

დუბაიში ფრენები გაუქმდა და გადაიდო.

ზოგადად, ექსტრემალური ნალექი გლობალურად უფრო ხშირი ხდება, რადგან ადამიანის მიერ გამოწვეული კლიმატის ცვლილებების შედეგად ატმოსფერო თბება. უფრო თბილ ატმოსფეროს კი პირსახოცის მსგავსად მეტი ტენი შთანთქმა შეუძლია. შემდეგ კი ეს ტენი ინტენსიური წვიმის სახით მოდის დედამიწაზე.