English
Русский
ზამთარი გარკვეულწილად გრიპსა და გაციებასთან ასოცირდება. თუმცა ამის მიზეზი ბევრმა არ იცის. რეალურად, 2 ძირითადი მიზეზი არსებობს, რის გამოც ვირუსები ზამთარსა და სიცივეში უფრო აქტიურდებიან.
შეიძლება ფიქრობდეთ, რომ დაავადების გავრცელებას თავად სიცივე იწვევს. მაგრამ ეს მცდარი მოსაზრებაა. სიცივე თავისთავად არ იწვევს დაავადებას.
მიზეზი კი ის არის, რომ ვირუსების დიდი ნაწილი სიცივეში უფრო დიდხანს ცოცხლობს, ვიდრე სითბოში. მზის სხივების ზემოქმედებით, ვირუსები შედარებით სწრაფად კვდება.
მეორე მხრივ, უნდა გავითვალისწინოთ ვირუსის გავრცელების სპეციფიკა. ვირუსი ადამიანისგან ადამიანს ჰაერწვეთოვანი გზით გადაეცემა. ის გამოიფრქვევა საუბრის, ხველების, ცემინების დროს და თუ უშუალოდ მეორე ადამიანის სასუნთქ გზებში არ მოხვდა, შესაძლოა რამდენიმე საათი დარჩეს ჰაერში ან მყარ ზედაპირზე. ზამთარში კი ადამიანები უფრო მეტ დროს ატარებენ დახურულ სივრცეში და ოთახებიც უფრო ნაკლებად ნიავდება. სწორედ ამიტომ მყარი ზედაპირიდან ვირუსის გავრცელების შანსი ზამთარში უფრო მეტია.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.