თბილისი

მონბლანმა, დასავლეთ ევროპის უმაღლესმა მწვერვალმა, ორ წელიწადში ორ მეტრზე მეტი დაკარგა. მისმა სიმაღლემ მინიმუმს მიაღწია უკანასკნელი 22 წლის განმავლობაში, მას შემდეგ, რაც მწვერვალის ფართობის ზუსტი გაზომვა და კონტროლი დაიწყო.

ტოპოგრაფთა ჯგუფმა, რომელიც ახორციელებს გაზომვებს ყოველ ორ წელიწადში ერთხელ, საფრანგეთის ალპებში, შამონიქში გამართულ პრესკონფერენციაზე აღნიშნა, რომ მთა ახლა 4805,59 მეტრია, რაც 2,22 მეტრით დაბალია, ვიდრე ბოლო გაზომვის დროს იყოს.(4,807,81 მეტრი 2021 წლის სექტემბერში).

მათი განმარტებით, განსაკუთრებით დაბალი დონე წვიმის ნაკლებობისა და ცხელი ზაფხულის შედეგია.

აღსანიშნავია, რომ მწვერვალის ზუსტი GNSS სატელიტური გაზომვები დაიწყო 2001 წლის სექტემბერში. მაშინ მონბლანის სიმაღლე 4010,40 მეტრი იყო. 2001-დან 2013 წლამდე ის მერყეობდა 4,808-დან 4,810 მეტრამდე. რეკორდული 4,810,90 მეტრი 2007 წელს დაფიქსირდა. 2013 წლიდან კი კლების ტენდენცია ფიქსირდება.

მონბლანის კლდოვანი მწვერვალი 4792 მეტრს აღწევს, მაგრამ მთლიანი სიმაღლე დამოკიდებულია მის თოვლზე, რომელიც ჩვეულებრივ იზრდება ზაფხულში, რადგან მის მწვერვალზე წვიმა თოვლად იქცევა. მიმდინარე ზაფხულს კი მონბლანის სიმაღლე არ გაზრდილა.