თბილისი

24 ივნისიდან ქვეყნის უმეტეს ნაწილში და მათ შორის, თბილისში გამოიდარებს. საქართველოს მასშტაბით, ივნისის თვე საკმაოდ ნალექიანი იყო. გზებისა და კერძო საკუთრების ნაწილს სხვადასხვა ქალაქსა თუ სოფელში ზიანიც მიადგა. მოსახლეობა განსაკუთრებულად ელოდება გამოდარებას.

სინოპტიკოსების ვარაუდით, საქართველოს მასშტაბით სწორედ ხვალიდან გამოიდარებს. გარემოს ეროვნული სააგენტოს ცნობით, დღეს 23 ივნისს აღმოსავლეთ საქართველოს უმეტეს რაიონში მოსალოდნელია წვიმა, ზოგან შესაძლებელია ძლიერი, ელჭექი, სეტყვა და ქარი. მოსალოდნელმა ძლიერმა წვიმებმა საქართველოს პატარა მდინარეებზე შესაძლებელია წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს.

თუმცა 24 ივნისიდან გამოიდარებს. თბილისში შაბათს, 24 ივნისს მოსალოდნელია +19+28 გრადუსი, მზე და ღრუბელი. კვირას, 25 ივნისს კი მზიანი ამინდია მოსალოდნელი. +18+29 გრადუს სითბოს უნდა ველოდოთ დედაქალაქში. +30 გრადუსამდე ტემპერატურა და უნალექო ამინდია მოსალოდნელი თბილისში ივნისის ბოლომდე და ივლისის პირველ ნახევარშიც.