თბილისი

ზაფხული, მზე, ზღვა, აუზი თმასა და მის ხარისხზე განსაკუთრებულ გავლენას ახდენს. მართალია, თმაზე ზამთრის სიცივეც ცუდად მოქმედებს, მაგრამ მთავარი გამოწვევა მაინც მცხუნვარე სეზონის გადალახვაა. ამ პერიოდში რამდენიმე ფაქტორი მოქმედებს ნეგატიურად თმის ხარისხზე. სიცხის გარდა, ეს არის ზღვისა და აუზის წყალი.

ჩვენი რჩევების გათვალისწინებით, შეძლებთ შეინარჩუნოთ ჯანმრთელი და მბზინავი თმა ზაფხულის ცხელ დღეებშიც კი.

· თუ მზეზე დიდი ხნით გიწევთ ყოფნა, ყოველთვის გამოიყენეთ თხელი შარფი ან შლაპა, რომელიც თქვენს თმას მზის პირდაპირი სხივებისგან დაიცავს.

· თმის დატენიანება ნიღბებით ყოველთვის კარგია, თუმცა ზაფხულში ეს აუცილებელია. ასე თმას გამოშრობისა და გაუხეშებისგან დაიცავთ.

· აუზსა და ზღვაში ჩასვლამდე თმა ყოველთვის წინასწარ დაისველეთ. თქვენი თმა უფრო მეტ ქლორსა და მარის შეიწოვს, თუ მშრალი თმა გექნებათ. ეს კი თქვენი თმის სიჯანსაღისთვის არც ისე კარგია.

· აუზისა თუ ზღვიდან ამოსვლის შემდეგ, მოერიდეთ სველი თმის დავარცხნას. ცნობილია, რომ ვარცხნის დროს სველი თმა უფრო ზიანდება, ვიდრე მშრალი.

· ეცადეთ, ნაკლებად გამოიყენოთ ფენი. თუმცა თუ მის გამოყენებას თავს ვერ არიდებთ, მაშინ წინასწარ თმაზე თერმოდამცავი დაიტანეთ.

· მოერიდეთ ზაფხულში თმის შეღებვას. ზოგადად, შეღებვა აშრობს თმას. ზაფხულში კი ეს ნეგატიური ეფექტი შეიძლება გაორმაგდეს.