თბილისი

19 მარტს, გვიან ღამით, მიწისძვრამ შეძრა იაპონია და გამოიწვია ცუნამის სერიოზული საფრთხე.

შეერთებული შტატების გეოლოგიური სამსახურის (USGS) თანახმად, 7.0 ბალიანი მიწისძვრა მოხდა ადგილობრივი დროით 18:09 საათზე. მიწისძვრის ეპიცენტრი მდებარეობს იშინომაკიდან აღმოსავლეთით. შედეგად დაშავდა 2 ადამიანი.

მიწისძვრის ეპიცენტრთან ყველაზე ახლოს მდებარე ტერიტორია, გაფრთხილებულია ცუნამის მოსალოდნელი საფრთხის შესახებ, რომლის სიმაღლეც წინასწარი ვრაუდით 3,28 ფუტამდე (1 მეტრი) შეიძლება იყოს.

მიწისძვრა იმდენად ძლიერი იყო, რომ რყევები იგრძნობოდა ტოკიოში, ადგილობრივი დროით 18:10 საათზე. დროებით შეჩერდა სარკინიგზო ქსელის მოქმედებაც. ასევე შეჩერდა ოპერაციები ონაგავას ბირთვულ ელექტროსადგურში. თუმცა, სერიოზული დარღვევები არ გამოვლენილა.

მიწისძვრას მოჰყვა ძლიერი წვიმა და ქარიშხალი . „ნალექებმა შეიძლება გაზარდოს ღვარცოფის საფრთხე მთაში, განსაკუთრებით იმ ადგილებში, სადაც მიწისძვრა მოხდა, ძლიერმა ქარმა კი შეიძლება გამოიწვიოს ელექტროენერგიის ლოკალიზებული გათიშვა“ – აცხადებს იაპონიის მეტეოროლოგიური სააგენტოს სპიკერი.

ადგილობრივები მომხდარ მიწისძვრას ადარებენ 2011 წლის 11 მარტის იაპონიის მიწისძვრისა და ცუნამის კატასტროფას. 2011 წლის ამ მიწისძვრამ, რომელიც ასევე ცნობილია როგორც დიდი სენდაიის მიწისძვრის სახელით, ფართო ზიანი მიაყენა იაპონიას და დაიწყო ცუნამის დამანგრეველი ტალღები. ამ მიწისძვრამ ასევე გამოიწვია ბირთვული კატასტროფა ფუკუშიმა დაიიშის ელექტროსადგურში.