თბილისი

ზამთარში ადამიანების მსგავსად შინაურ ცხოველებსაც სჭირდებათ სპეციალური რეკომენდაციების გათვალისწინება, რომ სიცივისგან თავი დაიცვან. გთავაზობთ რამდენიმე რჩევას, რომელიც დაგეხმარებათ, ზამთარში თქვენი მეგობარი ცხოველები უსაფრთხოდ და ჯანმრთელად იყვნენ.

• შინაური ცხოველის უნარი გაუმკლავდეს სიცივეს ინდივიდუალურია და დამოკიდებულია ბევრ ფაქტორზე. მათ შორისაა: ბეწვის ტიპი და სიგრძე, წონა, ჯანმრთელობის ზოგადი მდგომარეობა, ასაკი, აქტიურობის დონე და დრო, რომელსაც ყოველდღიურად ღია სივრცეში ატარებს. მაგალითად, მოკლეფეხებიან ძაღლებს უფრო სცივათ და მალე შეიძლება გაცივდნენ, რადგან მათი სხეული ცივ მიწასთან უფრო ახლოსაა. სწორედ ამიტომ მნიშვნელოვანია ვეტერინართან ერთად განსაზღვროთ, თუ რა დროით და რა ტემპერატურაზეა რეკომენდებული თქვენი ძაღლის გარეთ ყოფნა.
• მითია, რომ ძაღლებსა და კატებს ადამიანებზე ნაკლებად სცივათ, რადგან მათ დიდი ბეწვი აქვთ. სწორედ ამიტომ ტემპერატურის კლების პარალელურად შეამცირეთ დრო, რომელსაც თქვენი ერთგული მეგობრები გარეთ გაატარებენ.
• ხშირად შეუმოწმეთ თათები. შეიძლება სიცივემ თათები დაუზიანოს და ჭრილობა გაუჩნდეს. ასევე სასურველია თათების სიახლოვეს ბეწვი მოკლედ შეაჭრათ, რომ თოვლის პატარა გუნდები არ მიეწებოს და არ შესცივდეს.
• ზამთრის პერიოდში ძაღლების ბეწვის შემოკლება არ არის რეკომენდებული. ასევე სასურველია გარეთ გაყვანის დროს მხოლოდ საკუთარი ბეწვის იმედად არ იყოთ და მას დამატებით ტანსაცმელი ჩააცვათ. თუმცა ამ შემთხვევაშიც განსაკუთრებული სიფრთხილის გამოჩენა მოგიწევთ, რომ ტანსაცმელი არ დაუსველდეს. სველმა ტანსაცმელმა შეიძლება ის გააციოს.
• არ დატოვოთ თქვენი შინაური ცხოველები მანქანაში, როდესაც გარეთ განსაკუთრებული სიცივეა.
• არ იფიქროთ, რომ სიცივეში თქვენს ძაღლსა თუ სხვა მეგობარ ცხოველს ნაკლები სითხე სჭირდება. აუცილებელია, რომ ზამთარშიც იმავე ოდენობის წყალი დაალევინოთ, როგორც ამას სხვა სეზონებზე აკეთებთ.
• ყურადღებით იყავით, რომ არაფერი გამოგეპაროთ. მოთენთილობა ან პირიქით, ზედმეტი აქტიურობა, უმადობა ან მოწყენილობა შეიძლება ნიშანი იყოს, რომ ყველაფერი რიგზე არაა. დროულად მიმართეთ თქვენს ვეტერინარს.