თბილისი

იუპიტერს, რომელიც მისი ზომის გამო, პლანეტების მეფედაა აღიარებული, ახლა უკვე დადასტურებულად ყველაზე მეტი თანამგზავრი ანუ ე.წ. მთვარე ჰყავს.

CNN-ის ინფორმაციით, ასტრონავტებმა აღმოაჩინეს კიდევ 12 მთვარე, რომელიც იუპიტერის გარშემო მოძრაობს. ახალი აღმოჩენით იუპიტერის გარშემო მოძრავი თანამგზავრების რაოდენობა 92 გახდა. იუპიტერის გარშემო მოძრავი მთვარეები გაზისა და მტვრის ნაერთია.

აღმოჩენა ასტრონავტმა სკოტ შეფარდმა გააკეთა საკუთარ გუნდთან ერთად Carnegie Institution for Science-ში. დაკვირვება 2021 წელს დაიწყო. შესწავლის პროცესი ერთ წელზე მეტი გაგრძელდა. საბოლოოდ მკვლევრების ჯგუფმა 12 თანამგზავრის არსებობა დაადასტურა.

ამ დროისთვის ახლად აღმოჩენილი თანამგზავრების სახელები ცნობილი არაა. შეფარდის ხელმძღვანელობით, ასტრონავტები აგრძელებენ იუპიტერზე დაკვირვებას. ისინი ფიქრობენ, რომ პლანეტას კიდევ უფრო მეტი მთვარე ჰყავს.

ახალი აღმოჩენა მნიშვნელოვანია კოსმოსური მისიისთვის, The European Space Agency's Jupiter Icy Moons Explorer, რომლის განხორციელებასაც NASA's Europa Clipper mission 2024 წელს გეგმავს. მისიის ფარგლებში ასტრონავტები იუპიტერსა და მის მთვარეებს დაათვალიერებენ.

შეფარდის ხელმძღვანელობით, ასტრონავტები ეძებენ და აკვირდებიან პლანეტებს/გაზის გიგანტებს მზის სისტემის გარეთ.

შეგახსენებთ, რომ იუპიტერი მზის სისტემის ყველაზე დიდი პლანეტაა. ის დედამიწაზე 1 400-ჯერ უფრო დიდია, თუმცა მისი მასა დედამიწისას მხოლოდ 318-ჯერ აღემატება. მიზეზი მისი შემადგენლობაა. ის გაზის გიგანტია.