საჩხერე

სინოპტიკოსების პროგნოზით, აღმოსავლეთ საქართველოში ყინვა გაძლიერდება და კიდევ რამდენიმე დღე გასტანს. 14 იანვრის შემდეგ კი ტემპერატურა ნელ-ნელა მოიმატებს როგორ ღამით, ისე დღის განმავლობაში. დათბება დასავლეთ და აღმოსავლეთ საქართველოში.

- ბოლო დღეებში ქვეყნის აღმოსავლეთ ნაწილში ვრცელდება ცივი და ნოტიო ჰაერის მასები, რაც იწვევს თოვას. კახეთის რეგიონში ინტენსიურად ძლიერად, გაუჩერებლად უკვე რამდენიმე დღეა, თოვს, რამაც გზებზე და ელექტროგადამცემ ხაზებზე პრობლემები შექმნა. გზებზე ლიპყინულია, გაუარესებულია ხილვადობა. დასავლეთ საქართველოში კი უკვე რამდენიმე დღეა, უნალექო ამინდია. ქრის აღმოსავლეთის მიმართულებით ძალიან ძლიერი ქარი, რამაც დიდი პრობლემები შექმნა ფოთში, ქუთაისში და სხვა ქალაქებში. ზემო იმერეთსა და გურიაში წაქცეულია ხეები, გაწყვეტილია ელექტროგადამცემი ხაზები. ქარი 13 იანვრიდან ნელ-ნელა შესუსტდება, თუმცა ჯერჯერობით ნარჩუნდება. აღმოსავლეთ საქართველოში, მათ შორის, თბილისში 14 იანვრიდან ნალექი მოსალოდნელი აღარ არის. ყინვა კი მომდევნო რამდენიმე დღე კიდევ გაძლიერდება,“ - განმარტავს გარემოს ეროვნული სააგენტოს ჰიდრომეტეოროლოგიური პროგნოზების სამმართველოს უფროსი სვეტლანა ნიორაძე.