თბილისი

საქართველოში მოსულმა ძლიერმა სეტყვამ და უამინდობამ ქვეყნის რამდენიმე რეგიონი დააზარალა.

სეტყვა დაფიქსირდა გურჯაანში, საგარეჯოსა და ყვარელშო. ადგილობრივების ინფორმაციით, სტიქია როგორც ქალაქ საგარეჯოს, ასევე სოფლებსაც მისწვდა. მათი თქმით, ვენახებში ახლადგამოსული კვირტი თითქმის აღარ დარჩა, რაც მძიმე მდგომარეობაში აყენებს ფერმერებს.

ძლიერი სეტყვა იყო თბილისთან ახლომდებარე სოფლებში - კუმისში, თელეთსა და კოდაში.

სინოპტიკოსების ცნობით, საქართველოში არამდგრადი ამინდი უახლოესი დღეების განმავლობაშიც შენარჩუნდება. ჰაერის მასების ცვალებადობამ შესაძლოა კვლავ გამოიწვიოს ლოკალური ნალექი სეტყვის სახით, ძირითადად აღმოსავლეთ საქართველოს რეგიონებში.