თბილისი

ნირაგონგოს მთა ერთ – ერთი ყველაზე აქტიური ვულკანია მსოფლიოში. კონგოს დემოკრატიული რესპუბლიკის მაცხოვრებლები, ვულკანის ამოფრქვევის შემდეგ, განადგურებულ სახლებში დაბრუნდნენ, ეძებენ დაკარგულ ახლობლებს.

ვულკანის ამოფრქვევის შედეგად მინიმუმ 15 ადამიანია გარდაცვლილი, მაგრამ სავარაუდოდ ეს რიცხვი კიდევ გაიზრდება. Unicef- ის თანახმად კი 170-ზე მეტი ბავშვია დაკარგული.

ლავა შეჩერდა ბუხენის რაიონის მახლობლად, გომის გარეუბანში, დამარხა ასობით სახლი და დიდი შენობები. სარემონტო სამუშაოებს, სავარაუდოდ, თვეები დასჭირდება. ამასთანავე, ქალაქის აეროპორტი უცვლელად მუშაობს.

ვულკანი, რომელიც გომადან 10 კილომეტრში მდებარეობს, ბოლოს 2002 წელს ამოიფრქვა, რის შედეგადაც 250 ადამიანი იმსხვერპლა, ხოლო 120 ათასი ადამიანი უსახლკაროდ დარჩა, ხოლო 1977 წლის ამოფრქვევის შედეგად, 600-ზე მეტი ადამიანი გარდაიცვალა - იუწყება BBC.