თბილისი

არაბეთის ნახევარკუნძულზე, ბოლო დღეებში ტემპერატურამ თითქმის 50 ° C მიაღწია და სავარაუდოდ ამ კვირაში აღმოსავლეთით, პაკისტანისა და ინდოეთის ჩრდილო-დასავლეთისკენ გავრცელდება.

უკიდურესი სითბოს ტალღები გავრცელდა შუა აღმოსავლეთში, კავკასიასა და არაბეთის ნახევარკუნძულზე, სადაც უამრავმა სადგურმა დააფიქსირა მაქსიმალური ტემპერატურა 46-დან 49 ° C- მდე. ასევე მაღალი ტემპერატურა ფიქსირდება საუდის არაბეთში, ერაყში, ირანში, ომანში, არაბთა გაერთიანებულ საემიროებში და ქუვეითში.

მიუხედავად იმისა, რომ ჩამოთვლილი ქვეყნების უმეტესობა ზაფხულში მაღალი ტემპერატურით ხასიათდება, წლევანდელი სიცხე იშვიათ მოვლენად ითვლება, რადგან სეზონის დასაწყისი ასეთი ცხელი არასდროს ყოფილა.

21 მაისს, ქალაქ არაფატში, საუდის არაბეთში, დაფიქსირდა 46.8 ° C, ხოლო ქალაქ ამარაში, ერაყში, 47.6 ° C. ომანში დაფიქსირდა 46.9 ° C.

რეკორდულმა სიცხემ თურქეთიც მოიცვა: ურფაში 40.4 ° C იყო. ამით მოიხსნა წინა რეკორდი 40.3 ° C, რომელიც დაფიქსირდა 2019 წლის 30 მაისს.