ქართული
Русский
სლოვენიის მყუდრო ქალაქი დასახელდა ამ შემოდგომაზე ევროპის საუკეთესო მიმართულებად.
გავლენიანმა ტურისტულმა სააგენტომ European Best Destinations სლოვენიის ქალაქი მარიბორი ევროპის საუკეთესო მიმართულებად დაასახელა ამ შემოდგომისთვის – წლის პერიოდში, რომელსაც ბევრი მოგზაური საუკეთესო დროად თვლის პოპულარული ტურისტული ქალაქების შესასწავლად.
როგორც ახალი კვლევის ავტორები აღნიშნავენ, სექტემბრის შუა პერიოდიდან მარიბორის შემომყოფი ვენახების ფოთლები ყველაზე ლამაზ ფერებში იფარება. ამავდროულად, ქალაქის ცენტრში უკვე თითქმის ხუთი საუკუნეა იზრდება მსოფლიოში უძველესი ვაზის ჯიში (ეს ოფიციალურად დარეგისტრირებულია გინესის რეკორდების წიგნში) და ეს ერთადერთი მცენარეა, რომელსაც თავისი მუზეუმი აქვს – ძველი ვაზის სახლი.
გარდა ამისა, მარიბორი ითვლება ევროპის ერთ-ერთ საუკეთესო კულინარიულ მიმართულებად – ეს იდეალური ადგილია მოგზაურობისთვის, თუ თქვენ ეძებთ ავთენტურობას, უნიკალურ ადამიანურ გამოცდილებას, თბილ შეხვედრებს და სასიამოვნო აღმოჩენებს ევროპის გულში. ასევე, მარიბორს, რომლის მოსახლეობა 100 ათასზე ნაკლებია, აქვს ბედნიერი და სტუმართმოყვარე ქალაქის რეპუტაცია, რომელიც მასპინძლობს მრავალ საერთაშორისო კულტურულ და სპორტულ ღონისძიებას მთელი წლის განმავლობაში.
ტოპ 10 მიმართულება კი ასე გამოიყურება:
- მარიბორი, სლოვენია
- კაპადოკია, თურქეთი
- სევილია, ესპანეთი
- ფლორენცია, იტალია
- გრანადა, ესპანეთი
- პლიტვიცის ტბები, ხორვატია
- სან-ანდრესი, ტენერიფეს კუნძული, ესპანეთი
- ლუგანო, შვეიცარია
- ბუდაპეშტი, უნგრეთი
- ბოდრუმი, თურქეთი
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.