Tbilisi

ზაფხულში კანის მოვლა არც ისე მარტივი ამოცანაა. ამ მიზნის მისაღწევად უამრავი რამის გათვალისწინებაა საჭირო. 5 მარტივი წესი კი, რომლებიც კანს ტენს უნარჩუნებს, ასე გამოიყურება:

· ყოველდღიურად დალიეთ 1,5-2 ლიტრი წყალი;

· არ იხმაროთ სპირტის შემცველი ტონიკები;

· დაიბანეთ მხოლოდ თბილი წყლით;

· ბოლომდე არ შეიმშრალოთ სახე, მსუბუქად შეიშრეთ;

· დამატენიანებელი კრემი წაისვით ოდნავ ნოტიო კანზე.

ზაფხულში მაკიაჟის შესანარჩუნებლად კი რამდენიმე წესის დაცვა მოგიწევთ.

· სახლიდან გასვლის წინ მზისგან დამცავი კრემი წაისვით;

· ტონალური საშუალებები ზაფხულში ნაკლებად გამოიყენეთ, ის მსუბუქი პუდრით შეცვალეთ;

· მოერიდეთ ცვილის შემცველი თვალის ან წარბის ფანქრის გამოყენებას. ის მყარი ლაინერით შეცვალეთ. ჩვეულებრივ ტუშს წყალმდგრადი შეუნაცვლეთ, რომელიც არც სიცხისას ჩამოიღვენთება, არც შხაპსა თუ აუზში;

· საღამოს, მაკიაჟის მოშორების შემდეგ, რეკომენდებულია დამამშვიდებელი ნიღაბი, მისი ჩამობანის შემდეგ წაისვით დამატენიანებელი კრემი. გაითვალისწინეთ, რომ დეკოლტეს ზონაც საჭიროებს ანალოგიური წესით მოვლას.