ქართული
Русский
ქუთაისში ძლიერმა წვიმამ პრობლემები შექმნა - დაიტბორა ქალაქის ქუჩები. სტიქიის შედეგად ასევე, დაიტბორა რამდენიმე სახლის პირველი სართული.
უხვი ნალექის შედეგად მდინარე ოღასკურა კალაპოტიდან გადმოვიდა. წყალმა სრულად დატბორა ბუხაიძის ქუჩა.
ადგილობრივების თქმით, მოვარდნილი ნალექის შედეგად, სრულიად დაზიანდა ქუჩაზე გაჩერებული ავტომობილები, დაიტბორა კორპუსების სარდაფები, ასევე, წყალმა დააზიანა საცხოვრებელი სახლების და მაღაზიების პირველი სართულები.
წვიმამ პრობლემები შექმნა სხვა ქუჩებზეც. სტიქიის ზონებში მუშაობენ შესაბამისი სამსახურები.
მერიის ააიპ სპეციალური სერვისების ინფორმაციით, სტიქიის ყველა ლოკაციაზე მიმდინარეობს შესაბამისი სამუშაოები, გამოყვანილია მძიმე ტექნიკა, მიმდინარეობს სათანადო ღონისძიებები. მათივე ინფორმაციით, სანიაღვრე სისტემის პრობლემა არ არის და პრობლემა გამოიწვია უხვმა ნალექმა. ამ დროისთვის, კი ელოდებიან წვიმის ინტენსივობის კლებას, რომ სამუშაოები აქტიურ რეჟიმში გაგრძელდეს.
წვიმამ მსგავსი პრობლემები შექმნა იმერეთის რამდენიმე მუნიციპალიტეტში.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.