ქართული
Русский
ინდონეზიაში, კუნძულ იავაზე ვულკანი რაუნგი ამოიფრქვა. ინდონეზიის ხელისუფლებამ მოსახლეობის ევაკუირების ბრძანება გასცა - ვულკანი რაუნგი ბოლო ერთი კვირის განმავლობაში უკიდურესად გააქტიურებულია და უკევ მეხუთედ ამოიფრქვა.
ოფიციალური პირები შიშობენ, რომ შეიძლება მთა ჩამოიშალოს და ცუნამის საშიშროება გამოიწვიოს, რაც საფრთხეს შეუქმნის ჩრდილო-აღმოსავლეთით მდებარე კუნძულ ტაგულანდანგს. მსგავსი რამ ინდონეზიაში 1871 წელს მოხდა.
"ვიზუალურმა დაკვირვებამ აჩვენა, რომ ვულკანურმა აქტივობამ მესამე დონიდან მეოთხე დონეზე აიწია, რაც ყველაზე მაღალი მაჩვენებელია", - თქვა ინდონეზიის ვულკანოლოგიური სააგენტოს ხელმძღვანელმა ჰენდრა გუნავანმა.
ვულკანის მიმდებარე რაიონებიდან უკვე 11 000 ადამიანის ევაკუაცია განხორციელდა. ამ დროისთვის დაკეტილია უახლოესი საერთაშორისო აეროპორტი ქალაქ მანადოში, კუნძულ სულავესისზე.
"ვულკანური ფერფლის გავრცელების გამო ასაფრენი ბილიკები დაიფარა, რამაც შეიძლება საფრთხე შეუქმნას ფრენის უსაფრთხოებას", - თქვა მანადოს რეგიონის აეროპორტის ოფისის ხელმძღვანელმა ამბარ სურიოკომ . დაღუპულების ან დაშავებულების შესახებ ინფორმაცია ჯერჯერობით არ ვრცელდება.
ინდონეზიის კატასტროფების შერბილების ეროვნულმა სააგენტომ განაცხადა, რომ მოსახლეობა დროებით უახლოეს ქალაქ მანაოში გადაჰყავთ.
ინდონეზიისთვის დამახასიათებელია სეისმური და ვულკანური აქტივობა. რაუნგი მისი ერთ-ერთ ყველაზე აქტიური ვულკანია. (სიმაღლე 3332 მ). აგებულია ანდეზიტებითა და ბაზალტური ლავებით. მწვერვალზე გამომუშავებულია 2 კმ დიამეტრის კალდერა, რომლის სიღრმე 600 მ-მდეა. კალდერის ფსკერზე არის მეორე თანრიგის მცირე ზომის ვულკანური კონუსი. უძველესი ამოფრქვევა დაფიქსირებულია 1586 წელს. კატასტროფული ამოფრქვევები დაფიქსირდა აგრეთვე 1586-1817 წწ. შორის. უკანასკნელი ამოფრქვევა მოხდა 2015 წელს.
2018 წელს ვულკან ანაკ კრაკატაუს ამოფრქვევამ სუმატრასა და ჯავის სანაპიროებზე ცუნამი გამოიწვია, რის შედეგადაც 430 ადამიანი დაიღუპა.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.