ქართული
Русский
მარსზე აღმოაჩინეს ახალი ვულკანი, რომელიც ევერესტზე მაღალია - რაზე მიანიშნებს ეს და რას ამბობენ მეცნიერები?
ახალი კვლევის თანახმად, ასტრონომებმა მარსზე ვულკანი აღმოაჩინეს, რომელიც ევერესტზე მაღალია. პლანეტაზე მრავალწლიანი დაკვირვების მიუხედავად, მეცნიერებისთვის ვულკანი შეუმჩნეველი იყო, მისი დანახვა მხოლოდ თანამედროვე ორბიტალური ზონდების მონაცემების წყალობით გახდა შესაძლებელი.
ვულკანის სიმაღლე 9 022 მეტრია, სიგანე კი 450 კილომეტრი - ამგვარი მასშტაბურობა მიანიშნებს, რომ იგი დიდი ხნის განმავლობაში აქტიური უნდა ყოფილიყო. მთლიანი სტრუქტურის ტერიტორიაზე ფიქსირდება პიროკლასტური, იგივე ვულკანური, მატერიაც: ფერფლი, პემზა, ტეფრა და სხვა. იგი Noctis Labyrinthus-ის აღმოსავლეთით მდებარეობს, რის გამოც მკვლევრებმა დროებით Noctis უწოდეს.
"ის ასევე ღრმად ეროზირებულია, იმ დონემდე არის დანგრეული, რომ მისი დანახვა ძალიან გაგიჭირდებათ" - განაცხადა მარსის ინსტიტუტის თავმჯდომარემ, დოქტორმა პასკალ ლიმ.
მისივე თქმით, ამ აღმოჩენას შეიძლება ჰქონდეს ფართო გავლენა მეცნიერთა მიერ მარსის გეოლოგიის გაგებაზე, ასევე ხელი შეუწყოს ახალი კვლევების დაწყებას წყლის ყინულის ან სიცოცხლის ნიშნების მოსაძებნად.
მეცნიერებისთვის მარსზე 10-ზე მეტი ვულკანია ცნობილი, მათ შრისაა Olympus Mons, ყველაზე მაღალი ვულკანი მზის სისტემაში.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.