Tbilisi

ალბათ, ბავშვობაში ყველას გვიკვირდა, რანაირად ხვდებოდნენ ჩვენი დიდი ბებიები და ბაბუები მოსალოდნელი ამინდის პროგნოზს, თან ისე, რომ ყოველთვის ამართლებდა. აი, ასე, დააკვირდებოდნენ ცას, ცხოველებს, ან მცენარეებს და გაგაფრთხილებდნენ - „ხვალ კარგი ამინდი იქნება,“ ან პირიქით, „თბილად ჩაიცვი, იწვიმებს საღამოს.“ ახლა კი, გაგიმხელთ იმ პატარა საიდუმლოებებს, იმის შესახებ, თუ როგორ ახერხებენ ისინი ჩვენს გაოცებას.

1. თუ საღამოს, ქარის მიმართულება ზღვიდან მთისკენ იქნება მიმართული, მაშინ კარგ ამინდს უნდა ელოდოთ.

2. თუ მიმოზა მოიწყენს და ფოთლებს ძირს დაუშვებს, წვიმა წამოვა.

3. როცა ნახირი ჯგუფად გროვდება, ეს წვიმის მანიშნებელია.

4. თუ გაზაფხულზე კურდღლებს ბეწვი დიდხანს არ სცვივათ, ცივი ამინდები დიდხანს გაგრძელდება.

5. . თუ დილით, ადრე, ბალახი მშრალია, ღამით აუცილებლად იწვიმებს.

6. თუ კატა მოკუნტულია, მოსალოდნელია ყინვა, თუ ზურგზე წევს - დარი, თუ კედელს ფხაჭნის - ავდარი.