ქართული
Русский
.jpg)
იუპიტერი, მერკური, ვენერა, ურანი და მარსი - 5 პლანეტის ერთდროულად დანახვის შესაძლებლობა 25 მარტიდან 30 მარტამდე პერიოდში იქნება შესაძლებელი. ისინი მთვარის გვერდით განლაგდებიან. თუმცა businessinsider-ზე გავრცელებული ინფორმაციის თანახმად, 28 მარტის შემდეგ იუპიტერი შეიძლება მზის სინათლეში ჩაიკარგოს და მისი დანახვა შეუძლებელი გახდეს.
5 პლანეტის დანახვა საკმაოდ მარტივი იქნება, თუ სწორ დროს სწორ ადგილზე აღმოჩნდებით. ამისთვის ბნელი ცა და მკაფიო ხედი აუცილებელი პირობებია. შეეცადეთ, მოშორდეთ ქალაქის სინათლეს და მაქსიმალურად ბნელი ადგილი შეარჩიოთ. დაკვირვება დასავლეთის ჰორიზონტზე უნდა აწარმოოთ.
როგორცა მკვლევრები აღნიშნავენ, შეუიარაღებელი თვალით ყველაზე ადვილი შესამჩნევი იქნება ვენერა, რადგან ის ყველაზე კაშკაშა პლანეტაა. ვენერა ცაში მესამე ყველაზე კაშკაშა ობიექტია მზისა და მთვარის შემდეგ.
შედარებით რთული იქნება ურანისა და მერკურის დანახვა. იდეალურია, დასაკვირვებლად ბინოკლს ან ტელესკოპს თუ გამოიყენებთ.
პლანეტების მარტივად იდენტიფიცრებისთვის სმარტფონში რომელიმე ასტრონომიული აპლიკაცია ჩამოტვირთეთ.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.