ქართული
Русский
მოსინრამი - ასე ჰქვია დასახლებას ინდოეთში, რომელიც ბოლო წლების განმავლობაში დედამიწის ყველაზე წვიმიან ადგილად ითვლება. მოსინრამში მოსული საშუალო წლიური წვიმა 11 871 მმ-ია.
ეს გახლავთ პატარა სოფელი სამხრეთ-აღმოსავლეთ ინდოეთში. დასახლება 1985 წელს ყველაზე უხვი წვიმისთვის გინესის მსოფლიო წიგნში მოხვდა. აღნიშნულ წელს მოსინრამში 26 000 მმ წვიმა მოვიდა.
მოსინრამში სუბტროპიკული კლიმატია ხანგრძლივი წვიმითა და ხანმოკლე მშრალი პერიოდით. მას ხშირად ახასიათებენ როგორც შთამბეჭდავი წვიმების ადგილს. სოფელში აპრილიდან ოქტომბრამდე ძირითადად სულ წვიმს. განსაკუთრებულად წვიმიანი კი მაისი, ივნისი, ივლისი და აგვისტოა.
მოსინრამში ნამდვილად ცხელი ამინდი იშვიათადაა. საშუალო წლიური ტემპერატურა +17.1 გრადუსია. ივნისსა და ივლისში კი ტემპერატურა +19+20 გრადუსამდე ადის.
მსოფლიოს ყველაზე უხვწვიმიან დასახლებაში მშრალი ამინდი მხოლოდ ცოტა ხნით, დეკემბრიდან თებერვლამდე ფიქსირდება.
აღსანიშნავია, რომ მოსინრამმდე დედამიწის ყველაზე უხვწვიმიანი დასახლების პოზიციას ასევე ინდოეთში მდებარე ქალაქი ჩერაპუნჯი იკავებდა.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.