ქართული
Русский
დიდთოვლობის გამო, სტამბოლში ორშაბათისთვის დაგეგმილი 170 ავიარეისი გაუქმდა, - ინფორმაციას თურქული მედია „თურქეთის ავიახაზებზე“ დაყრდნობით ავრცელებს.
მათივე ინფორმაციით, ფრენების გაუქმება მეტეოროლოგიური სამსახურის რეკომენდაციით მიიღეს.
სტამბოლის აეროპორტიდან ან მისი მიმართულებით 152 რეისი გაუქმდა, საბიჰა გიოქჩენის საერთაშორისო აეროპორტიდან კი - 18 რეისი.
რაც შეეხება შაბათ-კვირას გაუქმებულ ფრენებს, მხოლოდ Turkish Airlines-მა 4-5 თებერვალს 238 ფრენა გააუქმა. საერთო რაოდენობიდან 72 შიდა ფრენა იყო, 166 კი - საერთაშორისო. აღნიშნული ფრენები სტამბოლის აეროპორტიდან უნდა განხორციელებულიყო.
ძლიერ თოვას სტამბულში ძლიერი წვიმა მოჰყვა, რაც ვითარებას საკმაოდ ართულებს.
აქტიურად მიმდინარეობს გზის გაწმენდითი სამუშაოები. თუმცა შეზღუდვები გზების სხვადასხვა მონაკვეთზე მაინც ფიქსირდება.
უამინდობის გამო, სტამბოლსა და დედაქალაქ ანკარაში ორშაბათს სკოლებიც დაიხურება.
ხელისუფლება მოსახლეობას აფრთხილებს, გარეთ მხოლოდ განსაკუთრებული საჭიროების შემთხვევაში გამოვიდნენ.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.