Tbilisi

საზოგადოებისთვის კარგადაა ცნობილი, რომ კლიმატის ცვლილება სახიფათო შედეგებს მოუტანს მსოფლიოს. ამ საფრთხეებს შორისაა მოუსავლიანობაც.

Nasa-ს ხელმძღვანელობით, კვლევა მიუთითებს მოსავლის უკმარისობისა და ტყის ხანძრის გაზრდის რისკებზე და სხვა საფრთხეებზე საზოგადოებისთვის, რადგან მსოფლიო განიცდის სიცხის, გვალვისა და გადაჭარბებული ნალექის გახშირებულ შეტევებს. კვლევაში ნათქვამია, რომ 2100 წლისთვის სიმინდის მოსავლის შემცირების რისკი გაორმაგდება.

კოლინ რაიმონდი, NASA-ს რეაქტიული ძრავის ლაბორატორიის მეცნიერი, ხელმძღვანელობდა კვლევას, რომელიც ფოკუსირებული იყო იმაზე, თუ როგორ იმოქმედებს სიმინდზე ტემპერატურისა და ნალექების გაზრდა. კვლევებმა აჩვენა, რომ 2100 წლისთვის მთელ მსოფლიოში გადაჭარბებული სიცხე, ორჯერ ან ოთხჯერ უფრო ხშირი იქნება ვიდრე ახლა და ეს თავისთავად ცუდ გავლენას იქონიებს მოსავალზე.

ასევე კვლევებმა აჩვენა, რომ ერთი წლის განმავლობაში ხუთ უმსხვილეს რეგიონში მოსავლის ჩავარდნის შანსი კიდევ უფრო მნიშვნელოვნად გაიზრდება. დაახლოებით 0.6%-დან 5.4%-მდე.