ქართული
Русский
ბათუმში, შტორმის შედეგად ახალი ბულვარის ტერიტორიაზე ინფრასტრუქტურა დაზიანდა.
როგორც ბულვარის ადმინისტრაციაში აცხადებენ, ადგილზე შპს "სანდასუფთავების" თანამშრომლები არიან მობილიზებული და მიმდინარეობს გაწმენდითი სამუშაოები.
"უამინდობამ და ძლიერმა შტორმმა, ახალ ბულვარში სანაპირო ზოლის რამდენიმე მონაკვეთი სილითა და ქვაღორღით დაფარა. ძლიერი ღელვის შედეგად სასეირნო ბილიკზე ამოყრილია დიდი რაოდენობის ქვიშა და ნატანი. დაზიანებულია ინფრასტრუქტურა.
"აკვაპარკი"-ს მიმდებარე ტერიტორიაზე, დაწყებულია გაწმენდითი სამუშაოები. ადგილზე მობილიზებულია შპს “სანდასუფთავების” სამსახურის თანამშრომლები, რამდენიმე ერთეული სპეციალური ტექნიკა და ბათუმის ბულვარის მობილური ჯგუფები.
სანაპირო ზოლზე გაწმენდითი სამუშაოები ამინდის შესაბამისად გაგრძელდება",- აცხადებენ უწყებაში.
წყარო: interpressnews.ge
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.