ქართული
Русский
კანადაში წყალდიდობასა და მეწყერს მინიმუმ ერთი ადამიანის სიცოცხლე ემსხვერპლა, - ინფორმაციას Reuters-ი ავრცელებს.
სააგენტოს ცნობით, სტიქიის გამო ქალაქ ვანკუვერში მდებარე კანადის უდიდეს პორტში სარკინიგზო მიმოსვლა შეწყვეტილია.
„ყველა სარკინიგზო რეისი ვანკუვერის პორტამდე და პირიქით შეჩერებულია წყალდიდობის გამო“, - განაცხადა პორტის პრესსპიკერმა მატი პოლიქრონისმა.
გავრცელებული ინფორმაციით, სოფელ პემბერტონთან ახლოს, ვანკუვერის ჩრდილო-აღმოსავლეთით დაახლოებით 160 კილომეტრში, მეწყერმა რამდენიმე ავტომობილი მოიყოლა, რის შედეგადაც სულ მცირე ერთი ადამიანი დაიღუპა.
ოფიციალური პირების განცხადებით, დაკარგულია ორი ადამიანი. სამძებრო-სამაშველო სამუშაოები ამ დრომდე გრძელდება.
წყარო: interpressnews.ge
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.