ქართული
Русский
ტაილანდის დედაქალაქ ბანგკოკში რამდენიმე დღის ძლიერმა წვიმამ მასშტაბური წყალდიდობა გამოიწვია. 26 სექტემბერს ქალაქის 50-ვე რაიონი სტიქიის ზონად გამოცხადდა, ხოლო 28–29 სექტემბერი ბანგკოკსა და მის მიმდებარე სამ პროვინციაში სპეციალურ დასვენების დღეებად განისაზღვრა.
ტაილანდის მთავრობის 28 სექტემბრის მონაცემებით, წყალდიდობამ დაახლოებით 329 000 ოჯახი, ანუ 700 000-მდე ადამიანი დააზარალა. ყველაზე მეტად ბანგკოკის რამდენიმე რაიონი, მათ შორის ლატ კრაბანგი, ბანგ კაპი, საი მაი და ლაქ სი, დაზარალდა.
ძლიერმა წვიმამ ქალაქის სადრენაჟო სისტემა გადატვირთა და არხებში წყლის დონე მნიშვნელოვნად გაიზარდა. 28 სექტემბერსაც კი ქალაქის ზოგიერთ რაიონში რამდენიმე ათეული მილიმეტრი ნალექი მოვიდა.
8 სექტემბრისთვის ხელისუფლების მთავარი ამოცანა დატბორილი ქუჩებიდან და საცხოვრებელი უბნებიდან წყლის სწრაფად გადინებაა. ამისთვის ქალაქის მთავარ არხებში წყლის დონეს ამცირებენ და სადრენაჟო სისტემას მაქსიმალური დატვირთვით ამუშავებენ. ზოგიერთ გზაზე მოძრაობა უკვე აღდგა, თუმცა რამდენიმე უბანში კვლავ სიფრთხილეა საჭირო.
ბანგკოკი წყალდიდობის მიმართ განსაკუთრებით მოწყვლადია, რადგან ქალაქი დაბლობზე, ჩაო ფრაიას მდინარის დელტასთან მდებარეობს. ძლიერი და ხანგრძლივი წვიმის დროს წყლის გადინებას ქალაქის სადრენაჟო სისტემა ყოველთვის ვერ აუდის.
მიუხედავად იმისა, რომ ნალექმა იკლო, ხელისუფლება მოსახლეობას კვლავ მოუწოდებს, დატბორილ გზებს მოერიდოს. წყლის სრულად გადინებას ზოგიერთ რაიონში შესაძლოა დამატებითი დრო დასჭირდეს.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.