ქართული
Русский
2026 წლის იანვარი ამერიკის შეერთებული შტატების ისტორიაში ერთ-ერთ ყველაზე მკაცრი და დესტრუქციული კლიმატური პერიოდია. სტიქია, რომელმაც თითქმის მთელი ქვეყანა მოიცვა, 22 იანვარს დაიწყო, როდესაც არქტიკული მორევიდან გამოყოფილი ცივი ჰაერის მასები სამხრეთისკენ დაიძრა და 3 200 კილომეტრზე გადაჭიმული გიგანტური შტორმი წარმოქმნა.
სტიქიამ 48 შტატის ყოველდღიურობა შეცვალა. ქვეყანაში ბოლო ათწლეულის ყველაზე დაბალი საშუალო ტემპერატურა, -12 გრადუსი დაფიქსირდა.
28 იანვრის მონაცემებით, 106 ადამიანია გარდაცვლილი. მილიონზე მეტი აბონენტი სრულ სიბნელესა და სიცივეში დარჩა, განსაკუთრებით სამხრეთ რეგიონებში. ავიაციამაც ისტორიული დარტყმა მიიღო. მხოლოდ 25 იანვარს 10 000-ზე მეტი რეისი გაუქმდა, რამაც ქვეყნის შიგნით გადაადგილება სრულად პარალიზებული გახადა.
ნიუ-იორკი 30-სანტიმეტრიანმა თოვლმა დაფარა, რის გამოც მერმა ზოჰრან მამდანმა ქალაქში საგანგებო, "უსაფრთხოების ლურჯი დონე" გამოაცხადა. დღეს ქალაქში ნალექი მოსალოდნელი არ არის, დღის განმავლობაში მზიანი ამინდი იქნება, მაქსიმალური ტემპერატურით -6°C, ხოლო ღამით ტემპერატურა -17°C-მდე დაიწევს.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.