Tbilisi

ზაფხულის ცხელი დღეების მიუხედავად, თქვენი მეგობარი შინაური ცხოველების გასეირნება აუცილებელია. ამ დროს აუცილებლად უნდა გაითვალისწინოთ, რომ ძაღლებსა და კატებს, სითბოსადმი მგრძნობელობა ადამიანისაზე უფრო მაღალი აქვთ. ამიტომ მნიშვნელოვანია, რომ პატრონებმა განსაკუთრებული ყურადღება დაუთმოთ სიცხეში მათი გასეირნების სწორ დაგეგმვას. გიზიარებთ რამდენიმე რჩევას:

• არჩიეთ დღის გრილი მონაკვეთები. უმჯობესია დილით ადრე ან საღამოს გვიან გაიყვანოთ ისინი გარეთ. ამ პერიოდში საფრთხე ნაკლებია.
• შეამოწმეთ ტროტუარის ტემპერატურა. ზედაპირი შეიძლება იმდენად ცხელი იყოს, რომ ცხოველის თათები დააზიანოს. შემოწმების წესი მარტივია: თუ ხელის გულს ტროტუარზე 5 წამით ვერ აწვები, მაშინ ზედაპირი ცხოველისთვისაც საშიშია.
• დაალევინეთ დიდი რაოდენობით წყალი. წყალი შესთავაზეთ გარეთ გასვლის წინ და აუცილებლად თან იქონიეთ. გაითვალისწინეთ, რომ ისინი სეირნობის დროს დიდ ენერგიას ხარჯავენ და სიცხის პარალელურად, სითხის დანაკარგს ესეც ზრდის.
• მოარიდეთ ცხოველი ზედმეტ დატვირთვას. ზაფხულის სიცხეში შინაური ცხოველები ადვილად იღლებიან. შეზღუდეთ ინტენსიური სირბილი ან თამაშები. თუ ცხოველი დაღლილი ჩანს, ეცადეთ შეასვენოთ ჩრდილში და შესთავაზოთ წყალი.
• დააკვრდით გადახურების ნიშნებს. ეს შეიძლება იყოს: ღრმად სუნთქვა, გაღიზიანება, სისუსტე.

და ბოლოს, გახსოვდეთ, მოკლე და/ან თეთრბეწვიანი ცხოველები სიცხის მიმართ უფრო მგრძნობიარეები არიან. ამიტომ მათ კიდევ უფრო მეტი ყურადღება სჭირდებათ.