ქართული
Русский
კვიპროსის სამხრეთში, ლიმასოლში ხანძარს კვლავ უშედეგოდ ებრძვიან. „როიტერსის“ მიერ გავრცელებული ინფორმაციის თანახმად, გარდაცვლილია 2 ადამიანი, ათასობით კი - ევაკუირებული. ხანძარი გავრცელებას აგრძელებს, რასაც ხელს უწყობს ძლიერი ქარი და მაღალი ტემპერატურა.
20-ზე მეტი სახლი სრულად დამწვარია, არიან დაზარალებულებიც, ძლიერი დამწვრობით. რამდენიმე ათეული ოჯახი დროებით თავშესაფარშია გადაყვანილი. სოფელ ერიმიში გახსნილია პირველადი დახმარების ცენტრი. საერთო ჯამში 250 მეხარნძრე და 75 ერთეული ტექნიკაა ჩართული სამაშველო სამუშაოებში.
15 სოფელი ელექტროენერგიის გარეშეა დარჩენილი.
კუნძულზე ტემპერატურამ გუშინ 43 გრადუს ცელსიუსს მიაღწია. დღეს კი მოსალოდნელია, რომ მაქსიმალური ტემპერატურა 44 გრადუსს მიაღწევს.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.