ქართული
Русский
2025 წლის 13 მარტს, ადგილობრივი დროით 01:25 საათზე, იტალიის ქალაქ ნეაპოლში 4.4 მაგნიტუდის სიმძლავრის მიწისძვრა მოხდა, რაც ბოლო 40 წლის განმავლობაში ყველაზე ძლიერ ბიძგად შეფასდა ამ რეგიონში.
მიწისძვრის ეპიცენტრი მდებარეობდა სანაპირო ქალაქ პოცუოლის მუნიციპალიტეტში. ბიძგების სიღრმე ორი კილომეტრი დაფიქსირდა.
ბიძგებს წინ უძღოდა ძლიერი გრუხუნის ხმა, რამაც შუაღამისას მოსახლეობა ქუჩებში გამოიყვანა. მიწისძვრა დაახლოებით 20 წამს გაგრძელდა, რის შედეგადაც რამდენიმე შენობა დაზიანდა, ხოლო ელექტრომომარაგება შეწყდა.
მიწისძვრის შემდეგ, ნეაპოლისა და მიმდებარე რეგიონებში დაფიქსირდა განმეორებითი ბიძგები, რამაც მოსახლეობაში პანიკა გამოიწვია. მოქალაქეები ღამის გათენებას ქუჩებში ამჯობინებდნენ, ხოლო ხელისუფლებამ გადაუდებელი დახმარების კოორდინაციის ცენტრი შექმნა ზარალის შესაფასებლად.
ნეაპოლის რეგიონი ცნობილია სეისმური აქტივობით, რაც დაკავშირებულია კამპი ფლეგრეის ვულკანურ ზონასთან. ეს ტერიტორია გამოირჩევა მიწის აწევისა და სეისმური ბიძგებით, რომლებიც გამოწვეულია მიწისქვეშეთში დაგროვილი გაზების წნევით.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.