ქართული
English
ესპანეთის აღმოსავლეთ ნაწილსა და ბალეარის კუნძულებზე ძლიერი წვიმების გამო საგანგებო გაფრთხილებები მოქმედებს. შტორმმა „ადამმა“ წყალდიდობა გამოიწვია, დაიღუპა ორი ადამიანი, რამდენიმე მუნიციპალიტეტი კი დროებით იზოლირებული აღმოჩნდა.
ესპანეთის მეტეოროლოგიურმა სააგენტომ (AEMET) 19 ოქტომბერს ვალენსიისა და ალიკანტეს ნაწილებში წითელი დონის გაფრთხილება გამოაცხადა. ზოგიერთ ტერიტორიაზე 12 საათში 300 მილიმეტრამდე ნალექი იყო მოსალოდნელი, რაც დატბორვისა და წყლის დონის სწრაფი მატების საფრთხეს ქმნიდა.
ძლიერი წვიმების გამო ვალენსიის რეგიონში რამდენიმე გზაზე მოძრაობა შეიზღუდა, ექვსი მუნიციპალიტეტი კი დროებით იზოლირებული აღმოჩნდა. ბალეარის კუნძულებზე, მათ შორის მაიორკაზე, ხელისუფლებამ უსაფრთხოების ზომები გაამკაცრა და 19 ოქტომბერს სკოლებში სასწავლო პროცესი შეაჩერა.
ესპანეთის ხელისუფლება მოსახლეობას მოუწოდებს, მოერიდონ დატბორილ გზებსა და მდინარის კალაპოტებს და დაიცვან საგანგებო სამსახურების რეკომენდაციები.
გმადლობთ, თქვენი კომენტარი მიღებულია და გამოქვეყნდება მოდერაციის შემდეგ.