თბილისი

2021 წლის 14 მაისს, პარასკევს, ჩინეთის ჰუბეის პროვინციის დედაქალაქ ვუჰანზე გამანადგურებელმა ტორნადომ გადაიარა. სტიქიის შედეგად დაიღუპა 8 ადამიანი, დაშავდა 280. იმავე დღეს, მორიგმა ტორნადომ ქალაქ შენჯიეს დიდი ზიანი მიაყენა, რის შედეგადაც 4 ადამიანი დაიღუპა და 149 დაშავდა.

ადგილობრივი ხელისუფლების ცნობით, ტორნადომ გაანადგურა 27 და დააზიანა 130 შენობა. აგრეთვე ხეები და ელექტროსადგურები, რის გამოც 26 600 სახლი ელექტროენერგიის გარეშე დარჩა.

ეს არის ექსტრემალური ამინდის მეორე მოვლენა, რომელიც ვუჰანში მხოლოდ 4 დღის განმავლობაში მოხდა, 2 ადამიანი დაიღუპა ძლიერი ჭექა-ქუხილის შედეგად, რომელიც ქალაქში 10 მაისს მოხდა.