თბილისი

დღეიდან საქართველოს ტერიტორიაზე მოსალოდნელია ჰაერის ტემპერატურის მომატება. ამის შესახებ საზოგადოებას გარემოს ეროვნული სააგენტო აფრთხილებს.

დასავლეთ საქართველოს დაბლობში ჰაერის ტემპერატურამ შესაძლებელია 37-39 გრადუსს გადააჭარბოს, ხოლო მთიან რაიონებში 35-37 გრადუსს მიაღწიოს. აღმოსავლეთ საქართველოში ჰაერის მაქსიმალური ტემპერატურა 33-38 გრადუსის ფარგლებშია მოსალოდნელი.

ჰაერის მოსალოდნელი მაღალი ტემპერატურა ტყის ხანძრების ერთ-ერთ ხელშემწყობ პირობას წარმოადგენს. გარემოს ეროვნული სააგენტო საფრთხის დონეს საშუალოდ აფასებს.