თბილისი

კლიმატის ცვლილებასთან დაკავშირებით, თუ რაიმე ზომები არ იქნება მიღებული, 2100 წლისთვის, ზაფხული ექვს თვემდე შეიძლება გაგრძელდეს – ნათქვამია ჩინეთის მეცნიერებათა აკადემიის მეცნიერთა ახალ მონაცემებში.

ანალიზებმა აჩვენა, რომ ზაფხული 78-დან 95 დღემდე გაიზარდა, ზამთარი კი 76-დან 73 დღემდე შემცირდა. გაზაფხული და შემოდგომა შემცირდა, 124-დან 115 დღემდე და 87-დან 82 დღემდე. ბოლო პერიოდში გაზაფხული და ზაფხული უფრო ადრე დაიწყო, შემოდგომა და ზამთარი შედარებით გვიან მოვიდა. ყველაზე დიდი ცვლილებები კი ხმელთაშუა ზღვის რეგიონსა და ტიბეტის პლატოში შეინიშნება.

ეს ცვლილებები აისახება სოფლის მეურნეობაზე, ბუნებასა და ადამიანის ჯანმრთელობაზე. სეზონების ხანგრძლივობის შეცვლით, ფრინველები ცვლიან მიგრაციის წესებს, მცენარეები სხვადასხვა დროს ყვავიან და ნაყოფსაც სხვა დროს ისხამენ.

ამ ცვლილებებმა შეიძლება შეუსაბამობა შექმნას ცხოველებსა და მათი კვების წყაროებს შორის. ცხელი და გრძელი ზაფხული კი სითბოს ტალღებსა და ხანძრებს მოუტანს ტყეს.