თბილისი

იემენის ადგილობრივი მედია იუწყება, რომ ძლიერმა წვიმამ და წყალდიდობამ გამოიწვია ჰადრამაუტის პროვინციის ისტორიულ ქალაქ ტარიმში მსხვერპლი და მასშტაბური ზიანი.

ადგილობრივი ხელისუფლების წყაროებზე დაყრდნობით, მედიაში გავრცელდა ინფორმაცია, რომ მინიმუმ 4 ადამიანი დაიღუპა მას შემდეგ, რაც რამდენიმე სახლი ჩამოინგრა და ასობით შენობა დაზიანდა. სამაშველო ჯგუფები ეძებენ უგზოუკვლოდ დაკარგულ პირებს, რომლებიც სავარაუდოდ განადგურებული სახლების ნანგრევებში არიან ჩარჩენილნი. გავრცელებული ინფორმაციით, ვერტმფრენებს იყენებდნენ მსხვერპლის უსაფრთხო ადგილებში გადასაყვანად.

ძლიერმა წვიმებმა და წყალდიდობამ ქვეყნის სხვა ნაწილებიც დააზარალა, ქვეყნის დასავლეთით მდებარე ჰუდაიდას პროვინციის ნაწილების ჩათვლით, სადაც რამდენიმე სახლი დაინგრა.

იემენის მეტეოროლოგიური სამსახურის განცხადებით, ძლიერი წვიმა აპრილის ბოლოდან დაიწყო.