თბილისი

ბოლო დღეების განმავლობაში ათენი და სამხრეთ საბერძნეთი ნარინჯისფერმა მტვერმა დაფარა. ეს საჰარას უდაბნოდან წამოსული მტვრის ღრუბლებია. ინტერნეტში გავრცელებული ფოტოები აპოკალიფსურ სამყაროს ჰგავს.

BBC News-ის ცნობით, 2018 წლის შემდეგ საბერძნეთში მსგავსი მოვლენა არ მომხდარა. ამჟამად მტვრის ღრუბლები ათენიდან ჩრდილოეთით თესალონიკისკენ მიემართება.

მტვრის ღრუბლები საინტერესო და შთამბეჭდავი სანახავია, თუმცა მნიშვნელოვნად არის გაუარესებული ჰაერის ხარისხი, რაც ჯანმრთელობაზე ნეგატიურად აისახება. საბერძნეთის ჯანდაცვის სამინისტრომ საზოგადოებას ურჩია, შეზღუდონ გარეთ გასვლის დრო, თავი აარიდონ ფიზიკურ აქტივობას ღია ცის ქვეშ და ატარონ ნიღბები გარეთ გასვლისას. რისკჯგუფში მყოფ ადამიანებს, როგორიცაა რესპირატორული პრობლემების მქონე პირები, გულ-სისხლძარღვთა დაავადებების მქონე პაციენტები და ბავშვები განსაკუთრებით მოუწოდებენ სახლში დარჩენისკენ.