თბილისი

მყინვარების დნობა გერმანიაში, ისევე როგორც მთელ პლანეტაზე, დაჩქარებული ტემპით მიმდინარეობს. ქვეყანა 10 წლის შემდეგ, შეიძლება ყინულის ფენის გარეშე დარჩეს.

ბოლო წლების განმავლობაში დნობა მნიშვნელოვნად გაიზარდა. 5 მყინვარმა გერმანიაში, რომელიც მდებარეობს ზუგსპიცეში და ბერხტესგადენის ალპებში, დაკარგა მოცულობის ორი მესამედი, 10 წლის განმავლობაში. მათი ფართობი შემცირდა ერთი მესამედით, რაც შედარებულია 36 საფეხბურთო მოედნის ზომასთან.

გლობალური კვლევების თანახმად, მყინვარები კარგავენ მასას უფრო სწრაფი ტემპით, რაც იწვევს ზღვის დონის ზრდას.

ექსპერტებმა გაანალიზეს NASA– ს თანამგზავრების სურათები და დაადგინეს, რომ 2000 – დან 2019 წლამდე პლანეტის მყინვარებმა ყოველწლიურად დაკარგეს 267 მილიარდი ტონა ყინული.