ლანჩხუთი

ახლო აღმოსავლეთისა და ჩრდილოეთ აფრიკის რეგიონი კლიმატის ცვლილების ცხელ წერტილს წარმოადგენს. რეგიონის ნაწილები უკვე პლანეტის ყველაზე ცხელ ადგილებს შორისაა. ახალი საერთაშორისო კვლევის თანახმად, კლიმატის ცვლილების სიგნალების უგულებელყოფა უკიდურესად ცხელ და სიცოცხლისათვის საშიშ სითბოს გამოიწვევს.

კვლევა, რომელიც მიზნად ისახავდა სითბური ტალღების ახალი მახასიათებლების შეფასებას, ჩაატარეს კვიპროსის ინსტიტუტის კლიმატისა და ატმოსფერული კვლევების ცენტრისა და მაქს პლანკის ქიმიის ინსტიტუტის მეცნიერებმა.

„ჩვენი შედეგები მიუთითებს, რომ ამ საუკუნის მეორე ნახევარში უპრეცედენტოდ მაღალი სიცხეები იქნება“ - განმარტავს კვლევის წამყვანი, ჯორჯ ზიტისი, კვიპროსის ინსტიტუტიდან.

სიცხეები შეიძლება გაგრძელდეს რამდენიმე კვირის განმავლობაში, რაც სიცოცხლისთვის საშიში იქნება, მათ შორის, მაღალი ტემპერატურის ამტან ცხოველებისთვისაც კი, ასევე, სერიოზულ ზიანს მიაყენებს სოფლის მეურნეობასა და ბიომრავალფეროვნებას.