თბილისი

19 მარტს, ისლანდიაში ამოიფრქვა ვულკანი, რომელიც დაახლოებით ექვსი ათასი წლის განმავლობაში მიძინებული იყო. ვულკანი მდებარეობს რეიკიანესის ნახევარკუნძულზე, ისლანდიის დედაქალაქიდან 40 კილომეტრში.

ქვეყანაში საგანგებო მდგომარეობა გამოცხადდა და საჰაერო მიმოსვლა შეჩერდა, მაგრამ შაბათ საღამოს ვულკანის ამოფრქვევის დონე საგრძნობლად შემცირდა. მთავრობის გაფრთხილების მიუხედავად, ეს ადგილი სწრაფად გახდა ცხელი წერტილი ტურისტებისთვის, რომლებმაც ლავაში გახვეული მთა სოციალური მედიის ვარსკვლავად აქციეს.

რეგიონი ინტენსიური მეთვალყურეობის ქვეშაა. რამდენიმე კვირის წინ, 24 თებერვალს, ნახევარკუნძულთან ახლოს დაფიქსირდა 5.7 ბალიანი მიწისძვრა, რასაც მოჰყვა უჩვეულოდ დიდი რაოდენობის მცირე მიწისძვრები, დაახლოებით 50 000-ზე მეტი.