თბილისი

ნასას კოსმოსურ ხომალდზე Voyager-1 კომპიუტერული შეფერხება მოხდა, რამაც მასა და დედამიწის ჯგუფს შორის კავშირის გაწყვეტა გამოიწვია. ამ დროისთვის ინჟინერები ამ პრობლემის მოგვარებას ცდილობენ, რადგან კოსმოსური ხომალდი მზის სისტემის გარე მონაკვეთის გასწვრივ ამოუცნობ ტერიტორიას იკვლევს.

ამ მომენტისთვის Voyager-1 დედამიწიდან ყველაზე შორს მყოფი ხომალდია. მანძილი 24 მლრდ კილომეტრს შეადგენს, მისი „ტყუპისცალი“ Voyager-2 კი დედამიწიდან 20 მლრდ კილომეტრის დაშორებით იმყოფება. ორივე ვარსკვლავთშორის სივრცეშია და წარმოადგენს პირველ კოსმოსურ ხომალდებს, რომლებიც ოდესმე ჰელიოსფეროს მიღმა აღმოჩენილან. Voyager-ის ზონდები, რომლებიც ხუთი წლის განმავლობაში იქმნებოდა, არის ორი ყველაზე ხანგრძლივად მოქმედი კოსმოსური ხომალდი ისტორიაში.

მათი უკიდურესად გრძელი სიცოცხლის ხანგრძლივობა ნიშნავს, რომ ორივე კოსმოსურმა ხომალდმა მოგვცა დამატებითი ინფორმაცია ჩვენი მზის სისტემის შესახებ და მის ფარგლებს.

Voyager-1-ს აქვს სამი კომპიუტერი ბორტზე, რომელიც აგროვებს ინფორმაციას სამეცნიერო ინსტიტუტებიდან და მას საინჟინრო მონაცემებთან აკავშირებს, რაც მის ამჟამინდელ მდგომარეობას ასახავს. თუმცა Voyager 1-ის ფრენის მონაცემების სისტემა ახლა, როგორც ჩანს, ავტომატურ გამეორებაზეა ჩარჩენილი. შორ მანძილზე მისიის ჯგუფმა პრობლემა პირველად 14 ნოემბერს დააფიქსირა, როდესაც სისტემის სატელეკომუნიკაციო ბლოკმა უკან დაიწყო 1-იანებისა და 0-იანების გაგზავნა... და ასე დაუსრულებლად.

მიუხედავად იმისა, რომ კოსმოსურ ხომალდს გარკვეულწილად ჯერ კიდევ შეუძლია მიიღოს და შეასრულოს მისიის გუნდიდან გადაცემული ბრძანებები, ამ სატელეკომუნიკაციო განყოფილების პრობლემა ნიშნავს, რომ Voyager -1-ის სამეცნიერო ან საინჟინრო მონაცემები დედამიწაზე არ დაბრუნდება.

NASA-ს ინჟინრები ამჟამად ცდილობენ შეაგროვონ მეტი ინფორმაცია პრობლემის გამომწვევი მიზეზის შესახებ. NASA-ს რეაქტიული ძრავის ლაბორატორიის მედიაურთიერთობის სპეციალისტმა, კალა კოფილდმა განაცხადა, რომ პროცესს შესაძლოა, კვირები დასჭირდეს. Voyager-1 იმდენად შორსაა, რომ დედამიწიდან გაგზავნილ ბრძანებებს კოსმოსურ ხომალდამდე 22,5 საათი სჭირდება.

პასუხის მისაღებად კი გუნდს 45 საათიანი ლოდინი უწევს. გუნდი იმედოვნებს, რომ Voyager 1-ის მიერ გაგზავნილი მონაცემების რეგულარულ მიღებას აღადგენს. მეცნიერებს სურთ ნახონ, თუ როგორ იცვლება ნაწილაკები და მაგნიტური ველები, როდესაც ზონდები ჰელიოსფეროდან უფრო შორს მიფრინავენ. მაგრამ ეს მონაცემთა ნაკრები არასრული იქნება, თუ Voyager 1 ინფორმაციას ვერ დააბრუნებს

ეკა დარ­ჩი­აშ­ვი­ლი