თბილისი

შემოდგომისა და ზამთრის ცივი დღეები ხშირად უარყოფითად მოქმედებს მენტალურ და ფიზიკურ ჯანმრთელობაზე.

შესაძლოა შეგვეცვალოს გუნება-განწყობა, ენერგიის დონე. თუმცა, არ უნდა დაგვავიწყდეს, რომ წელიწადის ამ დროსაც დღეების სასიამოვნოდ და სასარგებლოდ გატარება შეგვიძლია.

გთავაზობთ რჩევებს, თუ როგორ იზრუნოთ საკუთარ თავზე მოახლოებული ცივი სეზონის პერიოდში.

გამოიყენეთ შემოდგომის მზიანი დღეები - გვიან შემოდგომაზე და ზამთარშიც კი, ხშირია მზიანი და უნალექო დღეები, როცა შეგიძლიათ პარკში ან ტყეში სასეირნოდ გახვიდეთ. ასეთ ამინდში ოჯახის წევრებთან ან მეგობრებთან ერთად პიკნიკის დაგეგმვაც შეგიძლიათ, შედარებით ცივი სეზონის მიუხედავად, ბუნებაში გატარებული დრო ჯანმრთელობაზე დადებითად მოქმედებს.

ფიზიკურ ჯანმრთელობაზე ზრუნვა - ჯანმრთელობაზე ზრუნვა წელიწადის ყველა დროს მნიშვნელოვანი და შედეგიანია, განსაკუთრებით ცივ ამინდში, როდესაც იმუნიტეტის გაძლიერება გვჭირდება. შესაძლოა ამინდის გამო ფეხით სიარული ხშირად ვეღარ შევძლოთ, მაგრამ სახლში იოგა ან სხვა ფიზიკური აქტივობა ყოველთვის შესაძლებელია. ცივი ამინდის მიუხედავად, წყლის სათანადო რაოდენობით მიღება ზამთარშიც საჭიროა, ხოლო ხანგრძლივი ღამის საათები კარგი შესაძლებლობაა ძილის რუტინის გამოსამუშავებლად.

მენტალურ ჯანმრთელობაზე ზრუნვა - ამისათვის შეგიძლიათ მიმართოთ მედიტაციას. ყურადღება მიაქციეთ მენტალურ ჰიგიენას. ეცადეთ, რომ ნებისმიერი აქტივობა, რომელიც სასარგებლოა თქვენი მენტალური ჯანმრთელობისთვის, გახადოთ პრიორიტეტული და აქციოთ ჩვევად, რისი შესრულებაც წელიწადის დროსა და ამინდზე არ იქნება დამოკიდებული.

სოციალურ კეთილდღეობაზე ზრუნვა - შეგიძლიათ დაგეგმოთ აქტივობები, რომლებიც დახურულ სივრცეშიც სახალისო, სასარგებლო და სასიამოვნოა. სახლში ყოფნისას შეგიძლიათ დაკავდეთ სახალისო და სასიამოვნო აქტივობებით.

ზოგიერთ ადამიანს შესაძლოა წელიწადის ამ დროს მეტი ძალისხმევა სჭირდებოდეს ენერგიის მოსაკრებად. თუმცა, მნიშვნელოვანია ცივ სეზონთან ადაპტაცია. ზაფხულის აქტიური რუტინის ზამთრისთვის შესაფერისი აქტივობებით ჩანაცვლება, ხოლო ზაფხულის კვების რაციონის, ზამთარში არსებული სასარგებლო პროდუქტების ჩანაცვლება. ორგანიზმს, ნერვულ, იმუნურ და ჰორმონალურ სისტემას სჭირდება ენერგიით მომამარაგება, რომელიც ჩვენი კარგად ყოფნისთვის აუცილებელია.

მარიამ ფოლადაშვილი