თბილისი

მსოფლიო მეტეოროლოგიური ორგანიზაციის (WMO) მიერ გამოქვეყნებული კვლევის თანახმად, მიმდინარე ელ-ნინიო, სავარაუდოდ, 2014 წლის აპრილამდე გაგრძელდება. ეს ფაქტი გავლენას მოახდენს ამინდზე და ხელს შეუწყობს ტემპერატურის შემდგომ ზრდას როგორც ხმელეთზე, ასევე ოკეანეში.

2023 წლის ოქტომბრის შუა რიცხვებისთვის, ზღვის ზედაპირის ტემპერატურა და ასევე სხვადასხვა ატმოსფერული მაჩვენებელი შეესაბამება ელ-ნინიოს სამხრეთ რხევის თბილ ფაზას (ENSO). ელ ნინო სწრაფად განვითარდა ივლის-აგვისტოში. ვარაუდობენ, რომ ის პიკს მიაღწევს 2024 წლის იანვრისთვის.

ელ-ნინიო ხდება საშუალოდ შვიდ წელიწადში ერთხელ და ჩვეულებრივ გრძელდება 9-დან 12 თვემდე. ის დაკავშირებულია ოკეანის ზედაპირის დათბობასთან ცენტრალურ და აღმოსავლეთ ტროპიკულ წყნარ ოკეანეში.

ელ-ნინიო გავლენას ახდენს გლობალურ ტემპერატურაზე მისი განვითარებიდან ერთი წლის განმავლობაში. მიმდინარე წლის ივნისის შემდეგ გლობალურად ხმელეთისა და ზღვის ზედაპირის რეკორდული მაჩვენებლები ფიქსირდება. თუმცა მომავალი წელი შეიძლება კიდევ უფრო თბილი იყოს. ეს აშკარად და ცალსახად არის განპირობებული ადამიანის საქმიანობიდან სითბოს შემცველი სათბურის გაზების კონცენტრაციის ზრდით,“ - განაცხადა WMO-ს გენერალურმა მდივანმა.

მათივე განცხადებით, ექსტრემალური მოვლენები, როგორიცაა: სიცხე, გვალვა, ტყის ხანძრები, ძლიერი წვიმა და წყალდიდობა გაძლიერდება ზოგიერთ რეგიონში.

გასულ წლებში ელ-ნინიოს ეფექტით განპირობებული ყველაზე თბილი პერიოდი 2016 წელი იყო.