ზუგდიდი

ვარდი არა მხოლოდ ლამაზი, არამედ საკმაოდ კაპრიზული ყვავილია, რომელიც ზამთრის ყინვას არც თუ ისე კარგად უძლებს. იმისთვის, რომ ყვავილებმა კარგად გამოიზამთრონ, უნდა მოუაროთ სათანადოდ. 2 წლამდე ასაკის ახალგაზრდა ბუჩქები ყველაზე არასტაბილურია ზამთრის ყინვების მიმართ, მათ უპირველესად სჭირდებათ საიმედო დაცვა.

როდის არის საუკეთესო დრო ვარდების გასხვლისთვის?

ვარდების გასხვლის დასაწყებად ოპტიმალური დროა ოქტომბრის შუა რიცხვები ან ბოლო. თბილ დღეებში ვარდები არ უნდა მოჭრათ, რადგან ისინი ჯერ კიდევ ზრდის ფაზაში არიან.. იმისათვის, რომ ყვავილების გასხვლა წარმატებული იყოს, სექტემბრის დასაწყისიდან უნდა შეწყვიტოთ მათი კვება.

გასხვლის შემდეგ მცენარის მიწით დაფარვაა საჭირო. საჭიროა ბუჩქების დაფარვა მშრალი მიწით 10 სმ სიღრმეზე ისე, რომ ნამყენი ტოტები ნიადაგის მცირე ფენის ქვეშ იყოს. გასხვლის შემდეგ ვარდები უნდა დაფაროთ და თუ ტემპერატურა საშუალებას იძლევა, ყინვამდე შეიძლება დატოვოთ, დეკემბრამდეც კი.

როგორ მოვუაროთ ვარდებს ზამთარში?

გასხვლის შემდეგი მნიშვნელოვანი ეტაპია ვარდების დაცვა ყინვისგან, თოვლისა და მღრღნელებისგან. დაფარვის რამდენიმე მეთოდი არსებობს, ეს ყველაფერი დამოკიდებულია ყვავილის ასაკსა და ტიპზე. თუ ყვავილების სრულად დაფარვაა საჭირო, მაშინ მაღალი და მომწიფებული ვარდები შეიძლება დაიფაროს ნაძვის ტოტებით. ამგვარი საფარი ქმნის კარგ თბოიზოლაციას და ამავდროულად, ჰაერის მიმოქცევის საშუალებას იძლევა. მისი გამოყენება რეკომენდებულია როდესაც ტემპერატურა -5 გრადუსამდე ჩამოვა.